كلمات جميلةو راقية

الموضوع في 'قلب التنمية البشرية وتطوير الذات' بواسطة ام تيم, بتاريخ ‏19 إبريل 2017.

مشاركة هذه الصفحة

  1. ام تيم

    • :: عضو جديد ::
    غير متصل
    عدد المشاركات: 24
    عدد المعجبين: 22
    نقاط الجوائز: 3
    الجنس: أنثي

    راح نحطلكم كلمات #حلويين تستعمليهم كي تهدري مع أي شخص باه يقولو عليك الله يبارك التربية واللسان الحلو. بسم الله نبدا:
    -كي يقولولك واش راكي --- دائما في فمك لباس الحمد لله.
    -كي يقولولك سالي على فلان --- قولي يسأل عليك الخير والهنا
    -كي يقولولك أنعم --- قولي نعمتك دايمة.
    -كي يقولولك ماتعبيش روحك --- قولي تعبك راحة
    -كي يقولولك اتفضلي --- قولي يزيد فضلك
    -كي يقولولك الله يبارك --- قولي يبارك في سلامتك✌
    -كي يقولولك اشربي أي حاجة --- قولي تعيش وتشرب من ماء زمزم
    -كي يشكروك ويقولك زينة --- قولي يزين أيامك ويزيد في مقامك
    كي يقلك واحد جيتي باهية --- قولي يبهي عرضك ويعلي شانك
    وكي تكوني قاعدة في ضلمة ويجي واحد داخل عليك وشغل الضوء- قوليلو اضويها في وجهك
    وكي تكوني راقدة وبجي واحد اغطيك --- قوليلو يغطيك بالستر ولا يسترك بالجنة
    وكي يجيك ضيف وكي اكون مروح وتجيبيلو صباطو عند رجلو واقولك حاشاك --- قوليلو اعزك الله
    كي تكملي صلاتك وبقولك الله يقبل --- تقولي يتقبل منا ومنكم ولا اللهم اجمعين
    كي تكونو قاعدين تتعشاو ولا تتغداو وتكملي وتجي رايحة قبل ماتروحي --- قوليلهم هيا صحة عليكم اقولولك تعيشي
    يعطيك الصحة و ربي يزين فعالنا و قوالنا كاملين
    كي يقولولك صحيتي --- تقولي بلا مزية ولا بلا جميل
    كي يقولولك زيدي كولي و تكوني شبعتي --- تقولي الحمد لله الله يقوي الخير
    كي تروحي عند وحدة سكنت جديدة --- تقولي عتبة مبروكة ان شاء الله
    كي تتلاقاي وحدة راح تزيد --- تقولي وقفة ساهلة ان شاء الله
    كي وحدة تقولك عجبتني لبستك --- تقولي الله يسلمك ما يعرف للحطة غير ناسها
    كي تصيبي جماعة قاعدين على مايدة الماكلة --- قولي الله يقنعكم ☺
    وكي تكون تهدر وتقطعو --- قول نقطع كلامك بالعسل
    وكى يقوللك مرحبا --- قولو ترحب بيك الجنة
    و كي يقولك واحد الله يعينك --- قولو يعينا و يعينك على شقا الدنيا
    كي يقولك واحد الله يعاونك --- قولو يرحم والديك
    كي يقولك واحد الله يحفظك --- قولو يحفظني ويحفظك ان شاء الله
     
    فهد, fadila و dikra معجبون بهذا.
  2. جاري تحميل الصفحة...


  3. larosa

    • :: عضو ::
    غير متصل
    عدد المشاركات: 795
    عدد المعجبين: 1,093
    نقاط الجوائز: 93
    الجنس: أنثي

    مشكوره اختاه Clapping انت راقيه بطرحك للموضوع ربي يهنيك
     
    فهد و ام تيم معجبون بهذا.
  4. fadila

    • :: عضو مميـز ::
    غير متصل
    عدد المشاركات: 1,092
    عدد المعجبين: 1,531
    نقاط الجوائز: 313
    الجنس: أنثي

    يعطيك الصحة أم تيم ، فعلا ردود في منتهى الأدب و الإحترام لأنها في الحقيقة عبارة عن أدعية و طبعا لا يوجد أفضل ولا أروع من دعاء المسلم لأخيه المسلم.
    طرح راقي، شكرا جزيلا.
     
    فهد و larosa معجبون بهذا.
  5. فهد

    • .::كبار الشخصيات::.
    غير متصل
    عدد المشاركات: 30,979
    عدد المعجبين: 48,329
    نقاط الجوائز: 113
    الجنس: ذكر

    جزاك الله خيرا ام تيم